சென்னை: அ.தி.மு.க., எம்.எல்.ஏ.,க்கள் கடந்த 9 நாட்களாக கூவத்தூரில் உள்ள ‘கோல்டன் பே’ என்ற சொகுசு விடுதியில் தங்க வைக்கப்பட்டிருந்தனர். அவர்கள் வெளியே செல்ல அனுமதிக்கப்படவில்லை. இந்நிலையில், அதிமுக சட்டசபை குழு தலைவராக தேர்வு செய்யப்பட்ட எடப்பாடி பழனிச்சாமி இன்று மாலை 4 மணியளவில் முதல்வராக பதவியேற்க உள்ளனர். இதனையடுத்து ரிசார்ட்டில் தங்கியிருந்த அமைச்சர்களும், எம்.எல்.ஏ.,க்களும் அங்கிருந்து கார் மூலம் சென்னை புறப்பட்டு சென்றனர். எனினும், ஒரு சில எம்.எல்.ஏ.,க்கள் அங்கிருந்து கிளம்பவில்லை. அவர்கள் பதவியேற்பு விழாவில் பங்கேற்கவில்லை என தகவல் வெளியாகி உள்ளது.