ரஜினியின் ஆனந்த அதிர்ச்சி: விவேக் வரவேற்பு
tami nadu December 31, 2017,
அரசியலில் ஈடுபடப் போவதாக அறிவித்துள்ளதன் மூலம் ரஜினிகாந்த் ஆனந்த அதிர்ச்சி அளித்துள்ளதாக நடிகர் விவேக் வரவேற்பு தெரிவித்துள்ளார்.
நடிகர் ரஜினிகாந்த், சென்னையில் உள்ள ராகவேந்திரா மண்டபத்தில் கடந்த 26 ஆம் தேதி முதல் ரசிகர்களை சந்தித்து வருகிறார். இந்தச் சந்திப்பு இன்றுடன் முடிவடைகிறது. இதனையடுத்து அவர் இன்று என்ன அறிவிப்பார் என்று தமிழகம் முழுவதும் உள்ள ரசிகர்கள் ஆவலுடன் எதிர்பார்த்துக் காத்திருந்தனர். இந்நிலையில் இன்று அவர் பேசும்போது, தான் அரசியலுக்கு வருவது காலத்தின் கட்டாயம். சட்டமன்ற தேர்தலில் தனிக்கட்சி ஆரம்பித்து 234 தொகுதிகளிலும் தனித்துப் போட்டியிடுவோம் என்றும் தெரிவித்தார்
இதுதொடர்பாக ட்விட்டரில் கருத்து தெரிவித்துள்ள நடிகர் விவேக், “அதிர்ச்சி, ஆனால், ஆனந்த அதிர்ச்சி அளித்துவிட்டார் ரஜினி. இனி அவர் பின்வாங்கக் கூடாது. உணர்ச்சிப் பெருக்கில் ரசிகர்கள் கட்டுப்பாடு மீறல் கூடாது, சட்டம் ஒழுங்கு முக்கியம், வாழ்த்துக்கள்” என்று பதிவிட்டுள்ளார்.
ரஜினிகாந்த் அரசியலுக்கு வர வேண்டும் என்று ஏற்கனவே ட்விட்டர் பதிவில் விவேக் தொடர்ந்து வலியுறுத்தி வந்தார்.
Source : WWW.PUTHIYATHALAIMURAI.COM
….
Source: Pudhiya thalai murai
Read More >> ரஜினியின் ஆனந்த அதிர்ச்சி: விவேக் வரவேற்பு