உலக அழகி பட்டம் :

‘மிஸ்வேர்ல்டு 2016’ உலக அழகிப்போட்டி அமெரிக்காவின் மேரிலேண்டில் உள்ள அக்சான்ஹில்நகரில் நடந்தது. 50-க்கும் மேற்பட்ட நாடுகளை சேர்ந்த அழகிகள் கலந்து கொண்ட இப்போட்டியின் இறுதிச்சுற்றில் கென்யா, பிலிப்பைன்ஸ், போர்ட்டோ ரிக்கோ, டொமினிகன் குடியரசு மற்றும் இந்தோனேசியா ஆகிய 5 நாடுகளின் அழகிகள் கலந்து கொண்டனர். இவர்கள் போர்ட்டோ ரிக்கோ நாட்டை சேர்ந்த ஸ்டெபானி டெல்வாலே என்ற 19 வயது இளம்பெண் உலக அழகி பட்டம் வென்றார். கல்லூரி மாணவி ஆன இவர் ஸ்பெயின், ஆங்கிலம், பிரெஞ்ச் ஆகிய மொழிகளை சரளமாக பேசக்கூடியவர்.
உலக அழகியாக தேர்ந்தெடுக்கப்பட்ட இவருக்கு 2015-ம் ஆண்டு பட்டம் வென்ற ஸ்பெயின் அழகி மிரேயா லலாகுனா கிரீடம் சூட்டினார். இப்போட்டியில் 2-வது இடங்களை டொமினிகள் குடியரசு நாட்டைசேர்ந்த யரீட்ஷா மிகுலெனினா ரெயஸ் ரமிரெஷ் மற்றும் இந்தோனேசியாவை சேர்ந்த நடாஷா மனுலாவும் தேர்வாகினர். கென்யா மற்றும் பிலிப்பைன்ஸ் நாடுகளை சேர்ந்த அழகிகள் 4வது மற்றும் 5-வது இடங்களை பெற்றனர். இந்த போட்டியில் இந்தியா சார்பில் பங்கேற்ற பிரியதர்ஷினி சாட்டர்ஜி 16வது இடம் பிடித்தார்.