மெரினாவில் கருணாநிதிக்கு இடம் அளிக்க இயலாது – தமிழக அரசு
tami nadu August 8, 2018,
சென்னை மெரினாவில் திமுக தலைவர் கருணாநிதியின் உடலை அடக்கம் செய்ய இயலாது என்று தமிழக அரசு தரப்பில் தெரிவிக்கப்பட்டுள்ளது.
சென்னை மெரினாவில் உள்ள அண்ணாவின் நினைவிடம் அருகே திமுக தலைவர் கருணாநிதியின் உடலை அடக்கம் செய்ய முதலமைச்சர் எடப்பாடி பழனிசாமியிடம் ஸ்டாலின் கோரிக்கைவிடுத்துள்ளார். இதுதொடர்பாக செய்தியாளர்களிடம் பேசிய திமுக துணைப் பொதுச் செயலாளர் துரைமுருகன் கூறுகையில், “ அண்ணா நினைவிடம் அருகே கருணாநிதியிடன் உடலை அடக்கம் செய்ய செயல் தலைவர் ஸ்டாலின் சார்பில் வேண்டுகோள் மனுவை முதலமைச்சரிடம் கொடுத்தோம். பார்ப்போம் என்று கூறினார். இன்னும் எங்களுக்கு முழுமையான பதில் சொல்லவில்லை. பதிலை எதிர்பார்த்து இருக்கிறோம்” என்றார்.
இதனையடுத்து, தமிழக தலைமைச் செயலாளர் கிரிஜா வைத்தியநாதன் வெளியிட்டுள்ள அறிக்கையில், மெரினாவைத் தவிர வேறு இடம் ஒதுக்க தயாராக இருப்பதாக தெரிவிக்கப்பட்டுள்ளது. சர்தார் வல்லபாய் பட்டேல் சாலையில் அண்ணா பல்கலைக் கழகம் எதிரே உள்ள காந்தி மண்டபம் அருகே கருணாநிதியை அடக்கம் செய்ய இடம் ஒதுக்க தயார் என்றும் அதில் குறிப்பிடப்பட்டுள்ளது. மெரினாவில் இடம் ஒதுக்குவது தொடர்பாக நீதிமன்றத்தில் பல்வேறு வழக்குகள் உள்ளதால் இடம் அளிக்க முடியாது என்று அந்த அறிக்கையில் தெரிவிக்கப்பட்டுள்ளது.
Source : WWW.PUTHIYATHALAIMURAI.COM
….
Source: Pudhiya thalai murai
Read More >> மெரினாவில் கருணாநிதிக்கு இடம் அளிக்க இயலாது – தமிழக அரசு