ஜெயலலிதா மரணம் அடைந்த தேதி, நேரம் தொடர்பாக தேவையற்ற குழப்பங்கள் ஏற்படுத்தப்படுவதாக அப்போலோ மருத்துவமனை சார்பில் அறிக்கை வெளியிடப்பட்டுள்ளது.

ஜெயலலிதா டிசம்பர் 5ஆம் தேதிதான் இறந்தார் என்றும், அவருக்கு முறையான சிகிச்சை தரப்பட்டதுடன் அனைத்து மருத்துவ நடைமுறைகளும் பின்பற்றப்பட்டதாகவும் அப்பல்லோ அறிக்கையில் கூறப்பட்டுள்ளது. ஜெயலலிதாவின் இறப்பு குறித்த அறிவிப்புகூட மருத்துவ நடைமுறைகளை பின்பற்றியே மேற்கொள்ளப்பட்டதாகவும் அந்த அறிக்கையில் தெரிவிக்கப்பட்டுள்ளது. உண்மைக்கு மாறான தகவல்களை கூறுவது எதிர்பாராதது மட்டுமின்றி ஜெயலலிதாவுக்கு அயராது சிகிச்சை அளித்த இந்திய மற்றும் வெளிநாட்டு மருத்துவர்களை குறை கூறுவது போலாகும் என்றும் அப்போலோ தனது அறிக்கையில் தெரிவித்துள்ளது. மேலும் ஜெயலலிதா மரணம் குறித்து விரிவான விசாரணை நடைபெற்று வருவதையும் அப்போலோவின் அறிக்கை சுட்டிக்காட்டியுள்ளது. உண்மை மற்றும் நீதியை கருத்தில் கொண்டு இவ்விளக்கத்தை வெளியிடுவதாகவும் அப்போலோ கூறியுள்ளது

Source : WWW.PUTHIYATHALAIMURAI.COM

….

Source: Pudhiya thalai murai

Read More >> டிச.5ல் தான் ஜெ.மரணம்: அப்போலோ விளக்கம்