சென்னை: பல்லாவரம் தொகுதி திமுக எம்எல்ஏவான இ.கருணாநிதியின் மகன் ஆண்ட்ரோ மதிவாணன் வீட்டில் வீட்டு வேலை செய்த இளம் பெண் அடித்துத் துன்புறத்தப்பட்டதாக போலீஸ் வழக்கு பதிவு செய்துள்ளது. இது தொடர்பாக ஊடகத்துக்கு தொலைபேசி வாயிலாக அளித்தப் பேட்டியில், “எனக்கும் நடந்த சம்பவத்துக்கும் எந்த சம்பந்தமும் இல்லை” என்று எம்எல்ஏ கருணாநிதி தெரிவித்துள்ளார்.

அந்தப் பேட்டியில் எம்எல்ஏ கருணாநிதி, “என் மகனுக்கு 7 வருடங்களுக்கு முன்னர் திருமணமாகிவிட்டது. அவர் அவரது குடும்பத்துடன் திருவான்மியூரில் வசித்து வருகிறார். நான் வேறு பகுதியில் வசிக்கிறேன். அவர்கள் எப்போதாவது இங்கு வருவார்கள். நானும் எப்போதாவது அங்கு செல்வேன். அங்கு நடந்தது என்னவென்ற முழு விவரம்கூட எனக்குத் தெரியாது. நடந்த சம்பவத்துக்கும் எனக்கும் எந்த சம்பந்தமும் இல்லை. போலீஸார் வழக்குப் பதிவு செய்து விசாரிக்கின்றனர். நான் இதில் ஏதும் தலையிடவில்லை. இந்த விவகாரத்தில் எனக்கும் என் மகனுக்கும் எந்த சம்பந்தமும் இல்லை” என்றார்.

….

Source: Hindu

Read More >> “எனக்கு சம்பந்தமில்லை” – மகன் வீட்டில் இளம்பெண் தாக்கப்பட்ட சம்பவத்தில் பல்லாவரம் திமுக எம்எல்ஏ விளக்கம்