3 தொகுதிகளில் தேர்தல் நடத்தக்கோரி வழக்கு – மார்ச் 28ல் விசாரிக்கிறது உச்சநீதிமன்றம்

3 தொகுதிகளில் தேர்தல் நடத்தக்கோரி வழக்கு – மார்ச் 28ல் விசாரிக்கிறது உச்சநீதிமன்றம்

tami nadu

திருப்பரங்குன்றம் உள்ளிட்ட 3 தொகுதிகளுக்கும் தேர்தல் நடத்தக்கோரி தொடரப்பட்ட வழக்கை வரும் 28ஆம் தேதி விசாரிப்பதாக உச்சநீதிமன்றம் அறிவித்துள்ளது. 

தமிழகத்தில் காலியாக இருந்த 21 தொகுதி சட்டப்பேரவை இடைத்தேர்தலில் 18 தொகுதிகளுக்கு மட்டும் தேர்தல் அறிவிக்கப்பட்டது. மீதமுள்ள அரவக்குறிச்சி, ஒட்டப்பிடாரம், திருப்பரங்குன்றம் ஆகிய 3 தொகுதிகளுக்கும் வழக்கு காரணமாக இடைத்தேர்தல் அறிவிக்கப்படவில்லை. அதில் திருப்பரங்குன்றம் எம்.எல்.ஏவாக இருந்த ஏ.கே.போஸ் வெற்றி செல்லாது என நீதிமன்றம் தீர்ப்பளித்தது. ஒட்டப்பிடாரம் வழக்கையும் புதிய தமிழகம் கட்சியின் கிருஷ்ணசாமி வாபஸ் பெற்றார். 

இதனிடையே, காலியாக உள்ள திருப்பரங்குன்றம் உள்ளிட்ட 3 தொகுதிகளில் தேர்தலை நடத்த தயார் என்று தமிழக தலைமை தேர்தல் அதிகாரி சத்யபிரதா சாஹூ தெரிவித்து இருந்தார். இது தொடர்பாக 3 தொகுதிகளில் தேர்தலை நடத்தக் கோரி திமுக சார்பில் உச்சநீதிமன்றத்தில் வழக்கு தொடர்ந்தது. மேலும், சூலூர் தொகுதி சட்டமன்ற உறுப்பினராக இருந்த கனகராஜ் திடீரென உயிரிழந்தர். அதனால், சட்டப்பேரவையில் காலியாக உள்ள இடங்களில் எண்ணிக்கை 4 ஆக உயர்ந்தது. 

               

இந்நிலையில், திமுக தொடர்ந்த வழக்கு இன்று விசாரணைக்கு வந்தது. அப்போது, நாளைய தினமே வழக்கினை விசாரிக்க வேண்டும் என்று திமுக தரப்பில் கோரிக்கை வைக்கப்பட்டது. அதற்கு நாளைய தினம் நிறைய வழக்குகள் பட்டியலிட்டிருப்பதால் விசாரிக்க முடியாது என்ற நீதிபதிகள் தெரிவித்தனர். இருப்பினும், திருப்பரங்குன்றம், அரவக்குறிச்சி, ஒட்டப்பிடாரம் ஆகிய தொகுதிகளுக்கும் ஏப்ரல் 18ல் தேர்தல் நடத்தக்கோரி திமுக தொடர்ந்த வழக்கை வரும் 28ஆம் தேதி விசாரிப்பதாக உச்சநீதிமன்றம் அறிவித்துள்ளது. 28ம் தேதி வழக்கு விசாரணைக்கு வரும் போது, நீதிமன்றம் உரிய உத்தரவு அளிக்க வாய்ப்புள்ளதாக கூறப்படுகிறது. 
 

Source : WWW.PUTHIYATHALAIMURAI.COM

….

Source: Pudhiya thalai murai

Read More >> 3 தொகுதிகளில் தேர்தல் நடத்தக்கோரி வழக்கு – மார்ச் 28ல் விசாரிக்கிறது உச்சநீதிமன்றம்

Search

Back to Top